Please Note: You have clicked on a link to a website maintained by a third party and are about to leave the Potatoes USA website. The external link should not be considered an endorsement by Potatoes USA of the third party website or the company or organization that owns it, and Potatoes USA is not responsible for the accuracy or nature of the content of the linked website.
Click ‘OK’ to continue, or ‘Cancel’ to return to usapotatotransfer.domain
ရေဗာဒဲလ် အာလူးစိုက်ခင်းလိုမျိုး အာလူးပြားအတွက်စိုက်တဲ့ အာလူးတွေမှာ ထူးခြားတဲ့ လက္ခဏာတွေ ရှိကြပါတယ်။ အဆိုပါအာလူးတွေက russet အာလူး နဲ့တူပေမယ့် ပိုလုံးပြီး ပိုသေးတဲ့ အာလူးဖြူတွေပါ။ အရွယ်အစားဆင်တူ အာလူးပြားတွေ ရဖို့ဆိုရင် အာလူးတွေက ပုံသဏ္ဌာန်တစ်ခုတည်းဖြစ်ဖို့ အရေးကြီးပါတယ်။ အာလူးအခွံတွေက ပါးလွန်းတာကြောင့် အာလူးပြားထုတ်စက်ရုံဆီ သွားတဲ့လမ်း ထရပ်ကားပေါ်မှာ အာလူးတစ်လုံးနဲ့တစ်လုံး ပွတ်တိုက်မိပြီး အခွံတွေက ကွာကျသွားလေ့ရှိပါတယ်။ အဲဒါကြောင့်ပဲ စက်ရုံမှာ အာလူးတွေကို အာလူးပြားအဖြစ် ၂၄ နာရီအတွင်း အသွင်ပြောင်းနိုင်တာပါ။
မိုးများတဲ့ ဖလော်ရီဒါပြည်နယ်မှာ မြေဆီလွှာက ရေသွင်းရေထုတ်ကောင်းတဲ့ သဲမြေမွဖြစ်ပါတယ်။ စိုက်ခင်းပိုင် ထရပ်ကားတွေဟာဆိုရင် စစ်သုံးအဆင့်အတန်းဖြစ်ပြီး မိုးထဲရေထဲ ဘယ်နေရာမဆို သွားလာနိုင်တာပါ။ စိုက်ခင်းထဲမှာ ရှိတဲ့ မိုးလေဝသစခန်းငယ် တစ်ခုကနေ အာလူးတွေ မိုးရေဘယ်လောက် ရနေပြီလဲအပြင် လေထဲမှာ ရှိနေတဲ့ ပိုးမွှားငယ်တွေကိုပါ ထောက်လှမ်းပေးပြီး ဖြစ်လာနိုင်တဲ့ ပြဿနာတွေကို ရက်သတ္တပတ်ပေါင်းများစွာ ကြိုတင် သတိပေးနိုင်ပါတယ်။ ဘရိုင်ယန် ဂျုံးစ်သုံးတဲ့ နောက်ထပ် နည်းပညာတစ်ခုကတော့ မြေအောက်ရေသွင်းရေထုတ်စနစ် ဖြစ်ပြီး အဲဒါက ရေသွင်းထုတ်နှုန်း နည်းပေမယ့် မြေအောက်ရေမျက်နှာပြင်ကို လိုအပ်တဲ့အတိုင်း အတိအကျ ထိန်းထားနိုင်တာပါ။ မြေဩဇာဖြန်း ကိရိယာတွေကလည်း အာလူးပင်တွေအထက် ၆ လက်မ အကွာကနေ မြေဩဇာကို ပက်ဖြန်းနိုင်ပါတယ်။
ရေဗာဒဲလ် အာလူးစိုက်ခင်းမှာ ဇန်နဝါရီကနေ ဇွန်လအထိက အာလူးစိုက်ရာသီဖြစ်ပြီး မေလမှာ ရိတ်သိမ်းပါတယ်။ မရိတ်သိမ်းခင်အထိ ရက် ၉၀ ကနေ ၁၂၀ လောက်ကြာအောင် စိုက်ရတာပါ။ ရိတ်သိမ်းဖို့ အချိန်ကြပြီဆိုရင်တော့ ထွန်ရေးကြောင်း ၄ ကြောင်းစာ ကျယ်တဲ့ ရိတ်သိမ်းစက်က တစ်နာရီ နှစ်မိုင်နှုန်းနဲ့ စိုက်ခင်းကို ဖြတ်မောင်းပြီး သူ့ဘေးက စိုက်ခင်းသုံး ထရပ်ကားနဲ့ ရိတ်သိမ်းပြီးသား အာလူးတွေကို လိုက်ကောက်တာပဲ ဖြစ်ပါတယ်။
Myanmar 
English