Please Note: You have clicked on a link to a website maintained by a third party and are about to leave the Potatoes USA website. The external link should not be considered an endorsement by Potatoes USA of the third party website or the company or organization that owns it, and Potatoes USA is not responsible for the accuracy or nature of the content of the linked website.
Click ‘OK’ to continue, or ‘Cancel’ to return to usapotatotransfer.domain
စိုက်ခင်းမှအအေးခန်းထိ ထိပ်တန်းဖြစ်သော အရည်အသွေး
အေးခဲအာလူးများသည် တူညီစွာဖန်တီးထားခြင်းမဟုတ်ပေ။ စိုက်ပျိုးသူများသည် အာလူးများ အရည်အသွေးမြင့်လေ အမြတ်ပိုရလေဖြစ်ကြောင်းသိရှိကြသည်။ ထို့ကြောင့်၄င်းတို့သည် အာလူးထုတ်ကုန်ပြုလုပ်ခြင်းအဆင့်ဆင့်တွင် အာလူးသားပြည့်စေရန်နှင့်သကြားနည်းစေရန်၊ ချက်ပြုတ်ပြင်ဆင်ချိန်သက်သာရန်၊ လုပ်ငန်းအရင်းနည်းစေရန်တို့အပြင် U.S. အေးခဲအာလူးချောင်းများ၏ ထိပ်တန်းအဆင်း၊ အရသာနှင့် အာလူးသားကောင်းမွန်စေရန်တို့ကို အထူးအလေးထားထုတ်လုပ်သည်။ အခြားသူများနှင့်မတူထူးခြားသော အရည်အသွေးနှင့် အမြတ်ပိုမိုရရှိခြင်းတို့သည် U.S. အေးခဲအာလူး၀ယ်လိုက်တိုင်းရရှိမည့် အာမခံချက်များပင်ဖြစ်သည်။
အမျိုးအစားမတူသော ဟင်းပွဲများအတွက် U.S. အေးခဲအာလူးများတွင် ရွေးချယ်စရာအာလူးပုံစံအများအပြား ရှိသည်။ သင့်အမြတ်အစွန်းနှင့် ရောင်းအားပိုတိုးလာစေရန်အတွက် သင်တန်းများနှင့် စျေးကွက်ချဲ့ထွင်ရေး အထောက်အပံ့များပေးနိုင်သော Potatoes USA နှင့် လက်တွဲလိုက်ပါ။
အေးခဲအာလူးများအားလုံးကိုအရည်အသွေးတူညီစွာဖန်တီး ထုတ်လုပ်ထားသည်မဟုတ်ပေ။ သင့်တော်သောအပူချိန်၊ ကြွယ်ဝသောမြေဆီလွှာနှင့် မျိုးဆက်လိုက်လက်ဆင့်ကမ်းခဲ့သော အတွေ့အကြုံများပူးပေါင်းလိုက်သောအခါ အဆင့်မီ အရည်အသွေးရှိသော U.S. အာလူးများစိုက်ပျိုးနိုင်သည်။ ကြာရှည်ခံအာလူး ပြုလုပ်ရန်အတွက် ရည်ရွယ်စိုက်ပျိုးထားသော အာလူးများသည် အာလူးသားများရန်နှင့် သကြားဓာတ်နည်းရန်လိုအပ်သည်။ ထိုမှသာလျှင် လိုသလိုပုံသွင်းနိုင်မည်ဖြစ်ပြီး အရသာနှင့် အာလူးသားကောင်းမွန်သော အေးခဲအာလူးများ ရရှိမည်ဖြစ်သည်။
ကြာရှည်ခံ အာလူးပြုလုပ်သူများသည် ခေတ်မီလုပ်ငန်းအဆင့်အတန်းများနှင့် ကိုက်ညီရန်အတွက် နောက်ဆုံးပေါ်နည်းပညာများ အသုံးပြုကြသည်။ လတ်ဆတ်သောအာလူးမှ အရသာနှင့် အာဟာရတို့ မဆုံးရှုံးစေရန် အတွက် ပုံသွင်းပြီးသည်နှင့်တစ်ပြိုင်နက် အာလူးများကို အလျင်အမြန်အေးခဲရန် လိုအပ်သည်။ (နောက်ဆုံးပေါ်နည်းပညာများ အသုံးပြု၍ အေးခဲအာလူးများရှိ အာဟာရ ဓာတ်များမဆုံးရှုံးစေရန် မည်သို့လုပ်ဆောင် သည်ကို ပိုမိုလေ့လာလိုပါက ဤနေရာတွင်နှိပ်ပါ။).
အရည်အသွေးကောင်းအာလူးများကို တစ်နှစ်ပတ်လုံး ရရှိနိုင်ခြင်းကြောင့် အရည်အသွေးမြင့် အေးခဲအာလူးများကိုလည်း တစ်နှစ်ပတ်လုံးရရှိနိုင်သည်။ တစ်နှစ်ပတ်လုံးအာလူးရရှိနိုင်သော အကျိုးကျေးဇူး အပြင် ကျွန်ုပ်တို့၏ ခေတ်ရှေ့ပြေးသော ထုတ်လုပ်မှုအဆင့်ဆင့်၊ လတ်ဆတ်မှုကိုထိန်းသိမ်းထားနိုင်ခြင်း၊ အနာအဆာများဖယ်ရှားနိုင်ခြင်းနှင့် အရည်အသွေးထိန်းထားနိုင်သော ထုတ်ပိုးမှုနည်းပညာများကြောင့်လည်း တင်သွင်းမှု၊ အရည်အသွေးနှင့် ထုတ်ကုန်တသမတ်တည်းဖြစ်မှု စသည့်အကျိုးအကျေးဇူးများကိုပါရရှိနိုင်သည်။
အစားအသောက်စိစစ်ရေးအတွက် ကြာရှည်ခံအာလူးပြုလုပ်သူများသည် United States Department of Agriculture (USDA) နှင့် United States Food and Drug Administration (FDA)မှ ချမှတ်ထားသော စည်းကမ်းချက်များကို တသွေမတိမ်း လိုက်နာရန်လိုအပ်သည်။ ရောင်းချရန် အသင့်ဖြစ်နေသော အေးခဲအာလူးများသည် အစိုးရခွင့်ပြုချက် ရရှိမှသာလျှင် စျေးကွက်အတွင်း ရောင်းချခွင့်ရှိသည်။ အမေရိကန်ပြည်ထာင်စု တစ်ခုတည်းတွင်သာ အေးခဲအာလူးများကို USDA သတ်မှတ်ချက်များဖြင့် ထုတ်လုပ်ခြင်းဖြစ်သည်။
U.S. အေးခဲအာလူးများသည် ၁၀၀% U.S. အာလူးများမှထုတ်လုပ်ထားသည်။ လတ်ဆတ်သောအာလူးများ အသုံးပြုထားခြင်းကြောင့် အမြတ်ပိုမိုရရှိနိုင်ပြီး ပွဲအရေအတွက်များများ ပိုရောင်းရစေသည်။
ကမ္ဘာတစ်ဝှမ်းတွင် စျေးအတန်ဆုံးဖြစ်သည်။ ပွဲများများ ပိုထွက်ရန်အတွက် ရည်ရွယ်သော အာလူးချောင်းအရှည်များ ရရှိရန်အတွက် အရည်အသွေးမြင့် မျက်လုံးပါသောအာလူးညို (Russet) များမှ ထုတ်လုပ်ထားခြင်းဖြစ်သည်။ U.S. အေးခဲအာလူးချောင်းများသည် အခြားအာလူးချောင်းများထက် အချောင်းပိုရှည်သောကြောင့် ပွဲများများပိုထွက်စေပြီး အမြတ်များများပိုရစေသည်။
ပွဲပိုထွက်စေခြင်းသည် စရိတ်စုမိခြင်း၏ အစိတ်အပိုင်းတစ်ခုသာဖြစ်သည်။ အာလူးသားကျစ်ကာ အစိုဓာတ်ပါဝင်မှုနည်းသော U.S. အေးခဲအာလူးချောင်းများသည် အကြော်ဆီ ပျက်ဆီးမှုကိုလည်း နည်းစေသည်။ ပြင်ဆင်ရန်အချိန်ကိုလည်း လျှော့ချနိုင်သောကြောင့် အလုပ်သမားများများ မလိုအပ်ဘဲ လုပ်အားခကိုလည်း လျှော့ချနိုင်သည်။ U.S. အေးခဲအာလူးများသည်ကြော်ပြီးချိန်တွင် အရောင်လှခြင်း၊ အတွင်းသားမွရွခြင်းနှင့် အာလူးအရသာ အပြည့်အဝ ခံစားနိုင်သောကြောင့် သင်တို့ဆိုင်တွင် စားသုံးသူများသည် မကြာခဏ ပြန်လည်လာရောက် ဝယ်ယူစားသုံးမည်မှာ အမှန်ပင်ဖြစ်သည်။
အမျိုးအစား ရွေးချယ်ရန်များပြားသော U.S. ထုတ်ကုန်များသည် ရောင်းအားလည်း တက်စေသည်။ ဆိုင်အများစုတွင် အာလူးကြော်ကောင်တာသည် အမြတ်များများ ရှာပေးနိုင်သော နေရာဖြစ်သည်။ တက္ကသိုလ်တစ်ခု၏ စစ်တမ်းအရ မိမိတို့၏ အာလူးကြော်ကောင်တာတွင် အခြားအာလူးကြော်တစ်မျိုး ထပ်တိုးရောင်းချခြင်းက အာလူးကြော်ရောင်းချခြင်း၏ အမြတ်ငွေကို ( ၂၀ ) မှ ( ၄၀ ) ရာခိုင်နှုန်းထိ တိုးစေကြောင်း တွေ့ရှိရသည်။
U.S. အေးခဲအာလူးများကို အသုံးပြုခြင်းဖြင့် စားသုံးသူများအတွက် ကျန်းမာရေးနှင့်ညီညွတ်သော၊ သင့်တင့်ပြီး ကမ္ဘာ့အသိအမှတ်ပြု မီနူးများနှင့် ထုတ်ကုန်များအား ရောင်းချပေးနိုင်ပါသည်။ မနက်စာ၊ နေ့လည်စာ၊ ညစာနှင့် အဆာပြေမုန့်များ စသည့် အခြေအနေအမျိုးမျိုးတွင် တည်ခင်းနိုင်သော မီနူးများဖြစ်စေရန်အတွက် U.S. အေးခဲအာလူးများကို ထုတ်လုပ်ထားပါသည်။
အာလူးချောင်းကြော်များသည် အမြတ်ရရှိမှုကို တိုးပွားစေသည့်အပြင် အခြားပုံသွင်းထားသော အာလူးချောင်းများသည် ထူးခြားသော ဟင်းလျာအဖြစ် ဖန်တီးရာတွင် လွန်စွာအသုံးဝင်သည်။
အေးခဲအာလူးချောင်းတီထွင်ရာမူလနေရာဖြစ်သည့်အလျောက် သည် အသစ်သောအေးခဲအာလူးပုံစံများကို ဆက်လက်ရှာဖွေသွားမည်ဖြစ်သည်။ သင့်လုပ်ငန်းနှင့်သင့်တော်သော အေးခဲအာလူး ပုံစံ၊ အရွယ်အစားကို ရှာဖွေလိုက်ပါ။ Potatoes USA ၏အထောက်အပံ့နှင့်အတူဆန်းသစ်သောဟင်းလျာများကို ရှာဖွေလိုက်ပါ။
ထုတ်ကုန်အညွှန်း
U.S. လတ်ဆတ်သောအာလူးများကဲ့သို့ပင် အလုံးလိုက်အေးခဲထားသော မီးဖုတ်ရန်သင့်တော်သည့် အာလူးများသည် အရသာကောင်းမွန်သည်။ ၄င်း Whole Frozen Baked Potatoes သည် စားသုံးသူ အမျိုးမျိုးနှင့် သင့်တော်ရန်အတွက် အရွယ်အစားမျိုးစုံထုတ်လုပ်သည်။
အသုံးပြုသင့်သောနေရာများ
Whole Frozen Baked Potatoes သည် အလုံးလိုက်ဖြစ်စေ၊ လှီးဖြတ်၍ဖြစ်စေ oven (သို့) Microwave တွင်အပူပေးကာ ရိုးရှင်းသောနည်းလမ်းဖြင့် ချက်ပြုတ်နိုင်သည်။ ဟင်းပွဲအဖြစ်စားသုံးနိုင်သကဲ့သို့ အဆာပြေစားသုံးရန်လည်းသင့်တော်သည်။ ၄င်း Whole Frozen Baked Potatoes ကို မိမိတို့ ကြိုက်နှစ်သက်ရာ အရသာမျိုးဖြစ်စေရန် စားသောက်ဆိုုင်တွင်လည်းကောင်း၊ အိမ်တွင်လည်းကောင်း အခြားမည်သည့်အစားအစာနှင့်မဆို ရောနှောတွဲဖက်ချက်ပြုတ်နိုင်သည်။
ထုတ်ကုန်အညွှန်း
Half shells အာလူးများသည် မည်သည့်ချက်ပြုတ်နည်းနှင့်မဆို လိုက်ဖက်စေရန်အတွက် ကြိုတင် မီးဖုတ်ထားကာ ပြန်လည်အေးခဲထားသော အာလူးအမျိုးအစားဖြစ်သည်။ ၄င်းတို့သည် အရွယ်အစားတူညီသောကြောင့် ဟင်းပွဲ၏အရွယ်အစား ထိန်းညှိရခြင်းကို လွယ်ကူစေသည်။
အသုံးပြုသင့်သောနေရာများ
Half Shells အာလူးများကို အခြားအရသာများနှင့် တွဲဖက်၍သော်လည်ကောင်း၊ ဟင်းပွဲအနေဖြင့်လည်းကောင်း စားသုံးနိုင်သည်။ အခွံသဏ္ဍာန်ပြုလုုပ်ထားပြီး အလည်တွင် ချိုင့်ခွက်ပါရှိသောကြောင့် ၄င်းချိုင့်ခွက်ထဲတွင် ချိစ်အမျိုးမျိုး၊ အသီးအရွက်အမျိုးမျိုးနှင့် အသားအမျိုးမျိုးတို့ကို ထည့်သွင်းစားသုံးနိုင်သည်။ မိသားစုများစားသုံးမှုများသော စားသောက်ဆိုင်များအတွက် အဆာပြေ (သို့) အရံဟင်းအဖြစ် ထည့်သွင်းရန် အထူးသင့်တော်သော ရွေးချယ်မှုဖြစ်သည်။ ထူးခြားသော ချိုင့်ခွက်ပါသောသဏ္ဍာန်၏ အားသာချက်၊ အစားအသောက်အမျိုးမျိုး ထည့်သွင်းစားသုံးနိုင်သော အားသာချက်တို့ကြောင့် ထူးခြားသောဟင်းပွဲများဖန်တီးနိုင်ပြီး စားသောက်ဆိုင်မီနူးတွင် အများနှင့်မတူသည့် ဟင်းပွဲတစ်မျိုးအဖြစ် ထည့်သွင်းနိုင်သည်။
ထုတ်ကုန်အညွှန်း
Frozen Wedges သည် ကြော်လှော်ခြင်းအတွက် သင့်တော်သည်။ ထူထဲသော အာလူးတုံးများကြောင့် စားသုံးသူသည် အာလူး၏အရသာကို ပီပြင်စွာခံစားနိုင်သည်။
အသုံးပြုသင့်သောနေရာများ
အိမ်တိုင်ရာရောက်ပို့ဆောင်မှု၊ အခန်းဝန်ဆောင်မှုနှင့် drive-through ဝန်ဆောင်မှုများအရ အသားကင်နှင့် အသားညပ်ပေါင်မုန့်များနှင့် တွဲဖက်ရန် Frozen Wedges ကို အသုုံးများကြသည်။ ပီဇာ topping အဖြစ် နှင့် အခြားအစားအသောက်များအတွက် topping ပြုလုပ်ရန် သင့်တော်သည်။
ထုတ်ကုန်အညွှန်း
Frozen Mashed Potatoes သည် ဆေးကြောရန်၊ အခွံနွာရန်၊ လှီးရန်၊ ချက်ပြုတ်ရန်နှင့် ထောင်းရန် မလိုအပ်သော ကရိကထနည်းသည့် အာလူးထောင်းဖြစ်သည်။ အာဟာရများ ပြည့်ဝစွာပါဝင်ပြီး ဟင်းပွဲအတွဲအစပ်များအတွက် အရံဟင်းအဖြစ်အထူးသင့်တော်သည်။ ပမာဏနည်းသည်ဖြစ်စေ၊ များသည်ဖြစ်စေ ချက်ပြုတ်ရသည်မှာ မြန်ဆန်လွယ်ကူသည်။
အသုံးပြုသင့်သောနေရာများ
အခြားအစားအသောက်များနှင့် တွဲဖက်၍ဖြစ်စေ၊ ရသာမှုန့်များထည့်၍ဖြစ်စေ မိမိစိတ်တိုင်းကျ ပြင်ဆင်နိုင်သောကြောင့် ကန်တင်းများ၊ ကျန်းမာရေးစောင့်ရှောက်မှုရုံများတွင် အသုုံးပြုကြသည်။ အသုပ်သုပ်ရန်၊ စွပ်ပြုတ်လုပ်ရန်၊ အဓိကဟင်းလျာပြုလုပ်ရန်တို့အပြင် မီးဖုတ်သည့် အစားအသောက်အချို့တွင်လည်း အရသာရှိစွာ ဟင်းလျာသစ်အဖြစ် ဖန်တီးချက်ပြုတ် နိုင်သောကြောင့် မည်သည့်မီးဖိုချောင်သုံးအတွက်မဆို လွယ်ကူအဆင်ပြေစေသော Frozen Mashed Potatoes အမျိုးအစားဖြစ်သည်။ ဤနေရာတွင် များကိုကြည့်ရန် နှိပ်ပါ။
ထုတ်ကုန်အညွှန်း
IQF Shreds များသည် အခွံခွာ၊ ရေနွေးဖျောကာ ခြစ်ထားသောအာလူးအဖတ်လေးများကို Individually quick frozen (IQF) နည်းပညာဖြင့် အေးခဲစေရန်ပြုလုပ်ထားသော IQF Shreds ဖြစ်သည်။ ၄င်း IQF Shreds များကိုအသုုံးပြုခြင်းဖြင့် မီးဖိုချောင်၏ အလုပ်သမားအချိန်၊ အလုပ်သမားခများကို လျော့ကျစေသည်။ ပိုမိုအဆင်ပြေသည့်အချက်တစ်ခုမှာ IQF Shreds များကို အခဲပျော်အောင်လုပ်စရာမလိုဘဲ အေးခဲနေသည့်အတိုုင်းအသုံးပြုနိုင်ခြင်းပင်ဖြစ်သည်။
အသုံးပြုသင့်သောနေရာများ
IQF Shreds များအား hash browns ကဲ့သို့ မီးကင်ခြင်း (သို့) အကြော်ကြော်ခြင်း၊ ဟင်းအနှစ်ဖြင့်ချက်ပြုတ်ခြင်း ၊ အသုပ်သုပ်ခြင်း၊ စတူးပြုလုပ်ခြင်း၊ စွပ်ပြုတ်ပြုလုပ်ခြင်း၊ ပီဇာ topping အဖြစ် မီးဖုတ်ခြင်းနည်းလမ်းများဖြင့် ချက်ပြုတ်နိုင်သည်။
ထုတ်ကုန်အညွှန်း
IQF Dices ကို မအေးခဲမီ အံစာတုံးသဏ္ဍာန်အတုံးငယ်များပြုလုပ်ပြီး ကြိုတင် ချက်ပြုတ်ပြီး ဖြစ်သည်။ IQF နည်းပညာဖြင့် အေးခဲထားသော အခြားအာလူးအမျိုးအစားများကဲ့သို့ပင် IQF Dices များကိုလည်း တစ်နှစ်ပတ်လုံးရရှိနိုင်ပြီး အလုပ်များသော မီးဖိုချောင်များအတွက် အချိန်ကုန်သက်သာစေသည်။
အသုံးပြုသင့်သောနေရာများ
IQF Dices များသည် အချိန်နှင့် အလုပ်ရှုပ်သက်သာစေသည်။ စတူးဟင်းများ၊ စွပ်ပြုတ်များ၊ gratins နှင့် အခြားအာလူးဟင်းလျာများတွင် အသုုံးပြုနိုင်သည်။
ထုတ်ကုန်အညွှန်း
Frozen Straight Cut Fries များသည် အရသာနှင့် အပူချိန်ထိန်းထားနိုုင်ရန်အတွက် အလွှာထပ်အုုပ်ထားသော Frozen Straight Cut Fries နှင့် ရသာမှုန့်များပါဝင်သည့် Frozen Straight Cut Fries စသည်ဖြင့် အမျိုးအစားများစွာရှိသည်။ Frozen Straight Cut Fries တစ်ပုံးလျှင် အာလူးချောင်းကြော်ပွဲများများ ထွက်နိုင်ရန်အတွက် အရည်အသွေးမြင့် Frozen Straight Cut Fries ကို ရွေးချယ်သင့်သည်။ “ Extra Long” သို့ “Extra Long Fancy” စသည့် အာလူးချောင်းအမျိုးအစားကို ရွေးချယ်ပါ။ USDA ၏ အဆင့် (A) ရရှိထားသော Extra Long Fancy အာလူးချောင်းအကြောင်းကို ဖတ်ရှုလိုုပါက နှိပ်ရန်။
View USDA Grade A Extra Long Fancy frozen fry product reference online – The Right Choice.
အသုံးပြုသင့်သောနေရာများ
ကမ္ဘာတစ်ဝှမ်းရှိ စားသောက်ဆိုင်များနှင့် အသင့်စား စားသောက်ဆိုုင်များတွင် အသားညှပ်ပေါင်မုန့်များအတွက် အရံအနေဖြင့် အာလူးချောင်းကြော်များကို ထည့်သွင်းတတ်ကြသည်။ အာလူးချောင်းကြော်များ ပူနေချိန်တွင် ဆားအနည်းငယ်ဖြူးကာ စားသုုံးခြင်းဖြင့် အကောင်းဆုံးအရသာကို ရရှိနိုင်သည်။
ထုတ်ကုန်အညွှန်း
Crinkle Cut Fries အာလူးချောင်းကြော်မကြိုက်သောသူရှိပါလား။ အတွန့်လေးများ ဖြစ်စေရန် ပုံသွင်းထားသော အာလူးချောင်းများသည် ကောင်းမွန်သောအာလူးအရသာနှင့် ရေလှိုင်းသဏ္ဍာန် အာလူးသားတို့ ပေါင်းစပ်ထားခြင်းကြောင့် ရေပန်းစားသော အေးခဲအာလူး အမျိုးအစားတစ်ခု ဖြစ်သည်။
အသုံးပြုသင့်သောနေရာများ
ထူးခြားသောပုုံသဏ္ဍာန်ရှိသည့် Crinkle Cut Fries သည် ဆော့စ်အမျိုးမျိုးဖြင့် တို့စားရန် လွန်စွာလိုက်ဖက်သည်။ ဘီယာနှင့် တွဲဖက်စားသော အမြည်းအနေဖြင့် နိုင်ငံအချို့ရှိ ဘီယာဆိုင်ငယ်များတွင် လူကြိုက်များလာသည်။ လှိုင်းတွန့်များသည် အာလူးချောင်းတွင် မျက်နှာပြင်ပိုမိုဖြစ်ပေါ်စေသောကြောင့် ကြွပ်ရွသော အာလူးသားကိုရနိုင်သည်။ USDA ၏ သတ်မှတ်ချက်များကို ကျော်လွန်ကာ သာမာန်အာလူးချောင်းများထက် Crinkle Cut Fries များက အာလူးပွဲပြင်ဆင်မှုနှင့် အမြတ်ပိုမိုရရှိနိုင်မှုများတွင် ပိုမိုသာလွန်လျက်ရှိသည်။
ထုတ်ကုန်အညွှန်း
Loop/Curly Fries သည် အာလူးချောင်းများကို စပရိန်ပုံ လိမ်ထားသော အေးခဲအာလူးများ ဖြစ်သည်။ ထိုကဲ့သို့ထူးခြားသောအသွင်သဏ္ဍာန်ကြောင့် စျေးပိုပေးရသော်လည်း အရည်အသွေးမြင့်ထုတ်ကုန်အား စားသုံးရသောကြောင့် စားသုံးသူများကြားတွင် ရေပန်းစားသည်။
အသုံးပြုသင့်သောနေရာများ
စားသောက်ဆိုင်အများစုတွင် ထူးခြားသောပုံစံရှိသည့် Loop/Curly Fries အာလူးများကို အရောင်းမြှင့်တင်ခြင်းအစီအစဉ်များတွင် အသုံးပြုကြသည်။ ကလေး၊ လူကြီးမရွေး ကြိုက်နှစ်သက်ကြသော အရံဟင်းလျာတစ်ခုုလည်းဖြစ်သည်။ ၄င်းတို့သည် ပန်းကန်ပေါ်တွင် နေရာယူသောကြောင့် စားသောက်ဆိုုင်များတွင် အာလူးပွဲများများပိုထွက်စေသည်။ အပူချိန်ကိုလည်း ကြာကြာထိန်းထားနိုုင်သောကြောင့် အိမ်အရောက်ဝန်ဆောင်မှု ပေးသောဆိုင်များနှင့် ဟိုုတယ်များအတွက် သင့်တော်သည်။
ထုတ်ကုန်အညွှန်း
ထိုအာလူးများကို criss-cut fries, waffle fries, lattice fries (သို့) basket weave fries စသည်ဖြင့် ခေါ်ဝေါ်ကြပြီး ၄င်းအာလူးများသည် အပြားထူပြီး ဇကာကွက်ပုံသဏ္ဍာန်ရှိသော အေးခဲအာလူးပြားများဖြစ်သည်။ တမူထူးခြားသော ထုတ်ကုန်ဖန်တီးရန်အတွက် ဇကာပေါက်အာလူးများကို ရသာမှုန့်ထည့်ပြီးသော အာလူးပြားကိုသော်လည်းကောင်း၊ အလွှာအုပ်ထားပြီး အာလူးပြားကိုသော်လည်းကောင်း မှာယူနိုင်သည်။
အသုံးပြုသင့်သောနေရာများ
ဝေဖာကဲ့သို့ ပုံစံရှိပြီး အပြားထူသောကြောင့် ဇကာပေါက်အာလူးများသည် အပူချိန်ကို ကြာကြာထိန်းထားနိုင်ပြီး များများထည့်ရန်မလိုဘဲ ပန်းကန်ပေါ်တွင်နေရာယူသောကြောင့် ပွဲများများ ပိုထွက်စေသည်။ အဆာပြေအတွက်စားသုံးရန် အလွန်သင့်တော်သည်။ ဇကာပေါက်ပုံစံသည် ၄င်းအာလူးပြားများကို မည်သည့် ရသာမှုန့်၊ မည်သည့် ဆော့စ်နှင့်မဆို လိုက်ဖက်စေသည်။ အာလူးပြားထူသောကြောင့် ဆန်းသစ်သောဟင်းလျာများအတွက် ဆန်းကြယ်သော ပါဝင်ပစ္စည်း တစ်ခုအနေဖြင့် ထည့်သွင်းချက်ပြုတ်နိုင်သည်။
ထုတ်ကုန်အညွှန်း
Tater Drums များသည် အာလူးများကိုခြစ်ပြီး ထုလုံးရှည်ပုံသဏ္ဍာန် (cylindrical shape) ပုံသွင်းထားသော အာလူးတုံးလေးများဖြစ်သည်။ ၄င်းတို့၏ အမျှင်များသောအာလူးသားနှင့် ကြွပ်သောအပြင်သားကြောင့် လူကြိုက်များသည်။
အသုံးပြုသင့်သောနေရာများ
ကြွပ်ရွသော Tater Drums များကို ကလေးငယ်များ လွန်စွာနှစ်ခြိုက်သည်။ ဟမ်ဘာဂါနှင့် တွဲစားရန် လိုက်ဖက်ပြီး ကြက်ကြော်ဆိုင်များတွင်လည်း ရေပန်းစားသည်။ အရသာအမျိုးမျိုးစပ်၍ လည်းကောင်း၊ ဆော့စ်အမျိုးမျိုးနှင့် တွဲဖက်၍လည်းကောင်း ထူးခြားသော အဆာပြေမုန့်တစ်မျိုးအဖြစ် ဖန်တီးနိုင်သည်။.
ထုတ်ကုန်အညွှန်း
IQF hash brown တို့သည် ရေပန်းစားပြီး သုံးရလွယ်သည့်အာလူးပုံစံဖြစ်သည်။ ၄င်းတို့သည် ခြစ်ထားသောအာလူးဖတ်များကို အာလူးတုံးပုံစံပြုလုပ်ထားခြင်းဖြစ်သည်။ Hash Brown များသည် ချက်ပြုတ်ရန်အလွန်လွယ်ကူသည် အခဲပျော်ရန်စောင့်စရာမလိုပဲ အခဲအတိုင်းချက်ပြုတ်နိုင်သည်။ အတုံးပုံစံရှိသောကြောင့် တည်ခင်းရာနှင့် ဟင်းပွဲပြင်ဆင်ခြင်းအတွက် အရေအတွက်မှန်းဆ ရန်လွယ်ကူသည်။
အသုံးပြုသင့်သောနေရာများ
Hash Brown များကို စားသောက်ဆိုင်များတွင် မနက်စာအတွက်အသုံးပြုကြသည်။ တဖြည်းဖြည်းနှင့် အခြားသော ဟင်းလျာများတွင်လည်း အသုံးပြုလာကြသည်။ သင့် ဟမ်ဘာဂါတွင် ကျွပ်ကျွပ်လေးဖြစ်နေအောင် Hash Brown patty ကိုညှပ်ပြီး စားသုံးကြည့်လိုက်ပါ။
Myanmar 
English